Anent FASTIN

frae 'A Scots Gospel' bi Jamie Stuart



Aince, whan the followers o John an o the pharisees war fastin, they cam til Jesus an speired o him, ‘Hoo is it that John’s disciples fast, but the disciples that ye hae dinna fast?

Jesus answert, ‘Can the freends o the bridegroom fast while the bridegroom is yit amang them?  But the days will come whan the bridegroom is taen awa frae them; an than, in thae days, sall they fast.’

An he spak a parable tae them  ‘Naeb’dy pit’s a patch frae a new cloak on an auld ane.  They wadna match.
An naeb’dy pits new wine intil auld wineskins; else the new wine wid rive the wineskins an be wastit, an the skins destroyed.  New wine maun be teemed intil new wineskins, an baith ar than hained.’