Ane Sang o the Prophet Micah
Tune: Selma (Scottish Psalter No.173)



1	Til spaemen speirin, “Whaur,
	noo, will the Christ come hame?”
	the prophet Micah speaks a wurd,
	an gies til us a name:

2	“Baithlehem Ephrathah,
	wee juist mang Judah’s kin,
	frae you sal come the yin at is
	ower Israel tae ring.

3	“Fel auld sal be his line,
	frae days lang syne his name;
	they’ll bide patient til her at is
	in jizzen’s brocht him hame.

4	“The lave o’s kin sal come
	back intil Israel’s fauld;
	an he sal staun an feed his flock
	throwe Him at is o auld.

5	“The grace o his Lord’s Name
	sall gar them dwall secure;
	frae en til en o aa the yirth
	his grytness sall endure.”

6	Sae glorie be tae God,
	The Faither an the Son,
	An til the Spirit iver blisst,
	Eternal three in yin.




Paraphrase o Matthew 2.1b,2a,4b-6, an Micah 5.2-4 bi Robin Ree