Metrical Psaum 122
Tunes: Aus der Tiefe (CH3 - 210; CH4  - 337 )for stanzas 1-3, changing to
Buckland (CH3 - 106) for stanzas 4 - 5



1	Fain wis I whan fowk did say,
	“Til the Houss o God lat’s gae.”
	Nou my feet ar staunan ben,
	Throwe your ports, Jerusalem.

2	Cítie o Jerusalem 
	Bigget stark frae en til en.
	Up til her the clans dae gang;
	Thair God’s trystan clans dae thrang,

3	For for Israel it’s decrete:
	Thanks ontil God’s Name be gíed.
	Thair the judgment throne is dicht,
	Throne o Dauvit’s houss an richt.

4	Pray Jerusalem knaws peace:
	“Saucht on herts warm til your ease!
	Peace dwall lown athin your waas,
	Saucht athin your tours an haas.”

5	Sake o fríens an neibours here,
	“Peace be in ye!” I’ll say clere;
	Sake o God our Lord’s Houss híe,
	Aa at’s guid I’ll pray for ye!



Robin Ree