The Cushat
Tune: Kedron (CH4 No.482ii )



1	As I cam doun bi Jordanside
	I hard a cushie-doo:
“I bide the cumin o the King;
	My luv is ivver true.

2	“I canna bide a graceless gowk,
	An he may be a king,
At cairries on wi’s brither’s mate:”
	Thus did the cushat sing.

3	“My luv ’ll be a mither hen;
	He’ll lift the grundit spug;
He’ll mend the blackie’s bracken wing:”
	Her cooin at my lug.

4	An sae I cry on Jordanside,
	An douk the fowk of new,
Ontil the cushat fluthers doun
	Upo her luv sae true.




		Robin Ree